ALASKA – Walay nakasabotan nga ceasefire sa Ukraine bisan sa tulo ka oras nga maeeting nilang US President Donald Trump og Russin President Vladimir Putin sa Joint Base Elmendorf-Richardson sa Alaska.
Bisag pareho nga gitawag nga “extremely productive” ang summit, gibutyag ni Trump sa media: “There’s no deal until there’s a deal.”
Nagpaimangno usab siya og grabeng economic sanctions kung padayon nga mubalibad si Putin sa kakalinaw.
Dili imbitado sa meeting si Ukrainian President Volodymyr Zelenskyy, butang nga gikabalak-an sa mga kaalyado sa Europa.
Samtang natigayon ang summit, gireport ang bag-ong drone strikes sa Russia sa Ukraine nga gikamatay sa pito ka sibilyan og adunay 17 ang nasamdan.
Sa karon, nagpaboilin nga walay kasabotan .
Padayon ang tensyon sa rehiyon samtang ginahulat ang sunod nga lakang sa mga lider.
Nagkatigom usab ang mga pro-Ukraine demonstrators sa gawas sa base, dala ang mga plakard nga “Alaska Stands With Ukraine”.
Nagpahigayon usab og emergency virtual summit ang mga lider sa EU una ang meeting aron ihingusog nga dili angay nga ipadaplin ang Ukraine sa negosasyon.
