Gisuportahan sa mga lider sa Middle East ug European ang plano ni US President Donald Trump nga tapuson ang gubat sa Gaza human gihulga ang Hamas nga kinahanglan usab nga dawaton ang tanyag nga ceasefire.
Kini luyo sa kasabutan tali ni Trump ug sa Israeli Prime Minister Benjamin Netanyahu alang sa hinanaling ceasefire kon ang Hamas mosugot nga buhian ang 20 ka buhing bihag ug ang mga patayng lawas sa labing menos 12 ka hostage baylo sa gatosan ka mga bihag sa Gaza.
Sumala sa usa ka taho, ang mga opisyal sa Hamas gihatagan sa 20 ka punto nga plano ni Trump, nga nag-ingon nga ang Hamas dili magmando sa Gaza ug dili manghilabot sa posibilidad sa pag-ila sa Palestine isip usa ka estado.
Samtang, sa hiniusang pahayag sa U.A.E, Saudi Arabia, Qatar, Egypt, Jordan, Turkey, Indonesia ug Pakistan, ilang gidayeg ang liderato ug sinseridad ni Trump sa pagtapos sa gubat sa Gaza.
Ang Presidente sa European Council nga si Antonio Costa miingon nga nalipay siya pag-ayo sa positibo nga reaksyon ni Netanyahu sa kasabutan ug nagsugyot og dinaliang aksyon aron mahatagan og paglaum ang proseso sa kalinaw tali sa duha ka mga nasud.
