Miapila ang mga tricycle drivers nga sila tabangan sa gobyerno gumikan lugi na sa pagpamasahero tungod sa sunod-sunod nga pagtaas sa presyo sa produktong petrolyo.
Matud pa ni Manong Parts, usa ka tricycle driver nga gumikan sa sitwasyon nga kada semana gataas ang presyo sa produktong petrolyo nga unta madungog sa gobyerno ang ilang yangongo nga maapil nga mahatagan og hinabang.
Lisod na sa ilang bahin ang sitwasyon nga ang ilang kita ang kasagaran maadto sa petrolyo og gamay na lang ang mauli sa balay alang sa ilang panginahanglanon.
Kahibaluan nga may migawas nga report nga posible nga muabot hangtud sa P100 ang presyo sa kada litro sa petrolyo sa nasud.
Matud pa sa Department of Energyu nga wala pa nahuman ang kada semana nga pagtaas sa presyo ng lana og magdepende na kalihokan sa world market.
Sa pagbana-bana posible nga muabot hangtud sa P12 ang dugang presyo sa kada litro sa diesel sa sunod semana og kapin sa P8 kada litro sa gasolina.
