Gisuspenso sa tunga sa adlaw ang trabaho sa tanang empleyado sa Provincial Government of Sarangani sugod alas-12:00 sa udto karong Biyernes, Oktubre 30, 2026, aron hatagan sila og panahon sa pagpangandam ug pagbiyahe alang sa pagsaulog sa All Saints’ Day ug All Souls’ Day kauban ang ilang mga pamilya.
Subay kini sa Memorandum Order No. 394, Series of 2026, nga gipagawas ug gipirmahan ni Sarangani Governor Rogelio “Ruel” D. Pacquiao.
Bisan pa sa suspensyon, gikinahanglan gihapon nga motuman sa ilang katungdanan ang mga empleyado nga naka-assign sa provincial jail, seguridad, mga ospital ug rescue services ubos sa Provincial Disaster Risk Reduction and Management Office o PDRRMO aron masiguro ang pagpadayon sa importanteng serbisyo ngadto sa publiko.
