-- ADVERTISEMENT --
GENSAN- Nasikop sa hot pursuit operation sa Jose Abad Santos, Davao Occidental ang suspek sa pagpatay sa usa ka fishpond worker sa Gensan.
Giila ang nadakpan nga si Darwin Dawang, nga giingong responsable sa pagpatay kang Bilmar Marcos Danieles sa Purok 5A, Barangay Katangawan.
Ang operasyon gihimo sa mga intel personnel sa Police Station 8 uban sa Jose Abad Santos Municipal Police Station human sa koordinado ug padayon nga pagmonitor sa lihok sa suspek.
Sumala sa kapulisan, ang maong pagdakop kabahin sa ilang paspas nga aksyon aron madala sa hustisya ang mga responsable sa krimen.
