Usa ka lalaki sa Denver patay human mabanggaan ug eroplano sa runway

Patay ang usa ka lalaki human nabanggaan sa eroplano sa Denver International Airport.

Matod sa mga awtoridad, kalit nga mitabok ang lalaki sa runway sa airport samtang niagi ang usa ka Frontier Airlines Airbus A321.

Ang eroplano gikatakda unta nga mobiya sa Denver paingon sa Los Angeles nga may sakay nga 224 ka pasahero ug pito ka tripulante.

Ang insidente maoy hinungdan sa pagkalangan sa eroplano ug ang mga pasahero gibalhin nalang sa laing eroplano.