Dakpan ang upat ka mga high-value drug personalities human gi-dismantle ang usa ka gidudahang drug den atol sa usa ka buy-bust operation nga gihimo alas 6:00 sa gabii kaniadtong Mayo 7, 2026, sa Purok Masagana, Barangay Kalawag I, Isulan, Sultan Kudarat.
Ang anti-drug operation gipangulohan sa Philippine Drug Enforcement Agency Regional Office 12 – Sultan Kudarat Provincial Office, uban sa Isulan Municipal Police Station ug sa 1st Sultan Kudarat Mobile Force Company.
Nakumpiska sa mga awtoridad ang gibana-banaang lima ka gramo sa gidudahang shabu nga adunay estimated standard drug price nga Php34,000.00.
Ang mga ebidensya naglangkob sa usa ka sachet sa gidudahang shabu nga mitimbang og mga 0.2 gramos nga gigamit sa buy-bust transaction, ug tulo pa ka sachet nga mitimbang og gibana-bana nga 4.8 gramos. Nakuha usab ang buy-bust money, lain-laing mga drug paraphernalia, ug usa ka cellular phone.
Ang mga nadakpan mao sila si alyas “Blacky,” 41, usa ka construction worker gikan sa Palimbang, Sultan Kudarat; alyas “Maria,” 34, usa ka ginang sa panimalay gikan sa Lake Sebu, South Cotabato; alyas “Mary,” 30, taga-Lake Sebu usab; ug alyas “Aira,” 24, walay trabaho, taga-Lake Sebu usab.
Mag-atubang usab og mga kaso ang nadakpan ug violation sa Sections 5, 6, 7, 11, ug 12, Article II sa Republic Act 9165 o ang Comprehensive Dangerous Drugs Act of 2002.
Sa karun padayon nga gipakusog sa mga awtoridad ang mga operasyon batok sa ilegal nga droga isip kabahin sa kampanya sa gobyerno aron mapadayon ang kaluwasan sa mga komunidad gikan sa droga.
