GENERAL SANTOS CITY – Nagpadangat ug mensahe sa kapulisan ang igsuon sa namatay nga mananagat nga madakpan na ang suspek nga midunggab sa iyang igsuon.
Kini human midangat sa Bula Police station ang nagpangalan ug Catherine Quezon nga residente sa Zone 1 Bula ug mihangyo nga mahatagan sa hustisya ang namatay nga igsuon.
Sa kasamtangan nakahaya sa ilang pinuy-anan ang biktima nga si Glen Mark Quezon human nahunusan sa kinabuhi human madala sa tambalanan.
Nakaangkon ug samad sa likod ug dughan ang biktima human gidunggab samtang pauli sa ilang puny-anan.
Nakainum matud pa ang biktima niadtong tungura dihang gitagbo sa wala maila nga suspek ug didto nahitabo ang insidente.
Nahibaw-an nga sa maong lugar adunay paglihok sa mga Batang Sukarap. Samtang wala usab gitumbok sa kapulisan kung may matudlo nang person of Interest sa maong panghitabo.
