Gideklara ni Bolivia President Rodrigo Paz ang state of emergency sa nasod.
Kini misunod human sa pipila ka semana nga mga protesta tungod sa pagsaka sa presyo sa mga panginahanglanon ug krisis sa politika.
Ang mga nagprotesta nga mga tigpaluyo ni kanhi Presidente Evo Morales nanawagan kang Paz nga mobiya sa iyang pwesto.
Daghang mga kalsada ang gisirado nga maoy hinungdan sa kakulang sa pagkaon, gasolina ug suplay sa tambal sa nasod.
Giingon usab sa presidente sa Bolivia nga gipalihok na niya ang kapolisan ug militar aron mapasig-uli ang kalinaw ug kahapsay.
Gidepensahan niya ang pagdeklara og state of emergency, nga matud niya, tumong niini nga ibalik sa normal ang kahimtang sa Bolivia ug giingon nga ang kagubot gipahinabo lamang sa pipila ka organisadong grupo.
