Gipasabot sa pamunoan sa SSS ang kamahinungdanon sa 1% nga pagsaka sa kontribusyon tungod makadugang kini sa benepisyo sa mga miyembro gawas nga subay kini sa balaod.
Ang Presidente ug CEO sa SSS nga si Robert Joseph de Claro nipasabot nga ang pagsaka sa kontribusyon adunay long term ug short term benefits alang sa mga miyembro.
Kini bisan pa sa panawagan nga suspensuhon una kini.
Partikular nga giingon niini nga P400 ang idugang sa binuwan nga pensyon sa mga pensioner.
Si De Claro nipahibalo nga adunay epekto sa mga sakop sa SSS kung dili ipatuman ang pagsaka sa kontribusyon nga 1% sugod Enero 1, 2025.
Nagtuo kini nga mao na kini ang kataposang pagpatuman sa SSS sa pagsaka sa kontribusyon.
Ang opisyal nipahibawo nga bukas sila sa estorya bahin sa panawagan nga suspensohon ang umento sa kontribusyon. Gani, nanawagan skini sa mga magbabalaod nga suportahan ang contribution subsidy program nga ilang gipasiugdahan.
Si De Claro nihimo sa panawagan dihang niatubang siya sa mga sakop sa Malacañang Press Corps.
Nagtuo kini nga ang dugang koleksyon sa ilang ahensya magamit sa pagpundo sa ubang serbisyo nga gitanyag sa SSS, partikular na sa calamity loans.
Dugang pa nini nga imbes ipasiugda ang pagsuspenso sa umento sa kontribusyon, ang mga magbabalaod kinahanglang motabang sa pag-subsidize sa umento sa benepisyo sa mga sakop sa SSS.
