Spurs center Wembanyama dili makadula sa nahibiling season tungod sa injury

Gikonsidera karon sa San Antonio Spurs nga usa ka dakong setbacks sa ilang team ang dili pagdula sa ilang All-Star Center nga si Victor Wembanyama.

Sumala sa Spurs nga nakaangkon og blood clot sa iyang wala nga abaga ang French player.

Tungod niini gitambagan siya sa doktor nga gilayon kining mupailawom sa operasyon hinungdan dili makadula sa nahibilin nga season.

Ang 7-foot-3 nga player nahimong number 1 overall pick sa Spurs kaniadtong 2023 NBA Draft.

Si Wembanyama ang may average points nga 24.3, 11 rebounds, 3.8 blocks og 3.7 assists.