Mitaliwan na ang Italian auto-racing champion na si Alex Zanardi sa edad na 59.
Gikumpirma kini sa iyang pamilya apan wala na naghatag ug dugang detalye bahin sa iyang kamatayon.
Niadtong 2020, nadisgrasya siya samtang nag-handbike human kini mabanggaan sa kasugat nga trak sa usa ka relay event sa Tuscany.
Diin kapin 20 ka tuig na ang milabay sukad naputlan siya sa duha ka tiil tungod sa aksidente sa auto-racing.
Nakadaog siya og duha ka kampeonato sa CART niadtong 1997 ug 1998 sa US sa wala pa siya mibalik sa Formula One.
Nibalik siya sa Amerika ug nakigkarera sa Germany sa CART event niadtong 2001 diin naputol ang duha niya ka paa tungod sa aksidente, usa ka semana human sa September 11 attacks.
Nahatagan siya og prosthetics ug nakakat-on paglakaw pag-usab. Gitun-an usab niya ang hand cycling diin nakadaog siya og upat ka gold medals ug duha ka silver sa 2012 ug 2016 Paralympics.
Nakasalmot usab siya sa New York City Marathon ug nakarekord usab siya sa Ironman. Nanguna si Giorgia Meloni sa pagpahayag og kasubo sa pagpanaw ni Zanardi.
