Mag abli karong Abril ang sosyal nga “ukay-ukay” o closet sale sa aktres ug fashion icon nga si Heart Evangelista, diin ipamaligya niya ang pipila sa iyang pre-loved nga mga fashion items.
Sumala sa mga report, ang maong event nga giingong “Heart’s E Closet Party” pagahimoon sa Abril 25 hangtod 26, gikan alas 10 sa buntag hangtod alas 5 sa hapon, sa Project 4, Quezon City.
Sa iyang Instagram post, giimbitar ni Heart ang iyang mga fans ug buyers nga motambong sa maong kalihokan. Giingon usab nga adunay mga sinina, bags, ug uban pang fashion pieces nga iyang ipabligya, ug posible nga naa pud mga items nga barato ra o affordable.
Tungod niini, daghang fans ang naghinam-hinam na nga makakita ug makapalit sa mga signature fashion pieces sa aktres.
Ang maong closet sale kabahin sa iyang padayon nga fashion activities diin kanunay siyang magpahigayon og parehas nga mga bazaar sa nangagi.
