Gipasakaan og kaso sa mga piskal sa California ang singer nga si Britney Spears tungod sa pag-drive niini nga adunay impluwensya sa ilimnong makahubog.
Nag-atubang siya og usa ka misdemeanour count of driving under the influence of any alcohol and drug, diin aduna kini kabahin sa nahitabo niadtong Marso 4 sa southern California kung diin nadakpan usab kini tungod kay nag-over speeding kini.
Gisang-at sa Ventura County District Attorney’s Office subay sa insidente, ug ang 44-anyos nga singer misulod sa usa ka rehabilitation treatment facility.
Samtang ang iyang husay sa korte gikatakda sa Lunes, bisan dili siya kinahanglan nga motambong tungod sa gagmay nga mga kaso.
Giklaro sa opisina sa piskal nga walay silot nga pagkabilanggo nga mahimong ipahamtang sa mag-aawit tungod kay wala siya nakabangga o nalambigit sa insidente.
