GENSAN- Nabutyag sa mga na-leak nga dokumento sa National Electrification Administration ang kontrobersyal nga plano sa pagpasulod og pribadong puhunan sa South Cotabato II Electric Cooperative, Inc., nga posibleng mosangpot sa legal nga panaglalis gikan sa mga grupo sa konsyumer.
Gipakita sa mga papeles nga giaprobahan ang pipila ka board resolutions alang sa “Partnership Framework for Capital Investment” aron mapalig-on ang kooperatiba nga miubos na sa Category B status.
Apan napugngan ang lima ka tuig nga modernization plan tungod sa kakulang sa pondo ug panginahanglan og pag-apruba sa Energy Regulatory Commission sa CAPEX plan.
Sa pagpangita og solusyon, gisusi ang proposals sa Manila Electric Company ug IGNITE Power and Energy Holdings, Inc., diin nadawat sa prinsipyo ang sa IGNITE tungod sa pagmintinar sa kooperatibang istruktura ug walay dugang utang.
Samtang nagpadayon ang proseso, mipahibalo ang Bantay Kuryente Movement nga magpasaka sila og kaso batok sa board sa SOCOTECO II tungod sa kakulang sa transparency ug giingong direct award.
Bisan pa niini, giingon sa NEA nga dili pa pinal ang kasabutan ug magpabiling kondisyonal hangtod matuman ang tanang legal nga rekisito ug pag-apruba sa mga miyembro-konsumidor.
