-- ADVERTISEMENT --
GENSAN– Dako ang pag-uswag sa paningkamot sa South Cotabato II Electric Cooperative, Inc. (SOCOTECO II) sa pagpaminus sa system loss niini, base sa gihimugso nga datos sa gipahigayon nilang Stakeholders’ Forum kagahapon.
Matod ni General Manager Gerenimo Desesto, nagsugod ang system loss sa 15% apan napakunhod na kini sa 13.29%.
Gilauman nga makab-ot ang target nga 11% sa wala pa matapos ang tuig 2025. Ang maong target usa ka dakong milestone nga makatabang sa pagpakunhod sa bayrunon sa kuryente ug pagpauswag sa serbisyo ngadto sa mga konsumidor.
Ang SOCOTECO II nagpasalig nga magpadayon ang ilang reforma ug modernisasyon alang sa kaayohan sa katawhan nga ilang ginaserbisyohan sa South Cotabato, Sarangani, ug uban pang kasakopang lugar.
