Nagbahad si Serbian President Aleksandar Vucic og hugot nga aksyon batok sa mga anti-government protesters, human sa pipila ka adlaw nga kagubot og riot sa nagkadaiyang bahin sa Serbia, nga giila isip pinakadakong hagit sa iyang pagdumala.
Sa iyang pahayag niadtong Dominggo, gitawag ni Vucic ang mga lihok-protesta isip “pure terrorism” og gihingusgan nga kini ang kabahin matod pa sa usa ka plano nga ginasuportahan sa mga kasadpang nasod aron gub-on ang Serbia.
Sa iyang pamahayag, tumong matod pa sa mga nagprotesta nga ipatukod ang “anarcho-leftist” nga gobyerno sa umaabot, apan wala siya nagpakita og ebidensya aron pamatud-an kini.
Sumala kaniya, anaa sa peligro ang nasod og kinahanglan nga magpatuman og mas hugot nga lakang aron malikayan ang pagsamot pa sa sitwasyon.
Gihingusgan niya nga dili pa ipatuman ang state of emergency, apan gisiguro niya nga magpagawas og konkretong tubag ang estado sa sulod sa usa ka semana.
Misamot ang tensyon human ang lima ka sunod nga gabie nga engkwentro tali sa mga demonstrador og mga pulis, ingon man sa mga supporters ni Vucic.
Nasunog sa mga nagprotesta ang opisina sa Serbian Progressive Party, apil ang pipila ka buhatan sa mga kaalyado sa administrasyon.
Sa Belgrade og Novi Sad, migamit ang riot police og tear gas samtang nagsindi usab og flares og botelya ang mga demonstrador.
Ang mga protesta nagsugod kapin siyam ka bulan na ang milabay human ang trahedya nga pagkahugno sa konkretong canopy sa usa ka istasyon sa tren sa amihanan nga bahin sa nasod nga nakapatay sa 16 ka tawo.
Daghan ang nagtuo nga ang insidente ang gumikan sa korapsyon og palpak nga mga proyekto sa imprastraktura sa estado.
Luyo sa kagustohan nga makasulod sa European Union, padayon ang maayong ni Vucic sa Russia og China.
Sa iyang pagpamulong, gipasalamatan niya ang suporta sa Russia sa iyang gobyerno batok sa gitawag niya nga “colored revolution.”
