-- ADVERTISEMENT --
Nagpasalamat sa Indonesia og National Bureau of Investigation (NBI) ang pipila ka magbabalaod sa pagpanguna ni Senate President Francis “Chiz” Escudero sa pagkadakop ni Alice Guo sa Tangerang City, Jakarta.
Sa managbulag nga pahayag, gibutyag ni Escudero nga paatubangon si Guo sa Senado og patug-anon kung kinsa ang kakunsabo niini sa ilegal nga operasyon sa Philippine Offshore Gaming Operator (POGO).
Gawas sa pagpasalamat sa Indonesian law enforcement agencies nga nakadakop kang Guo, gidayeg usab ni Escudero ang National Bureau of Investigation (NBI) ug uban pa nga lokal nga kapulisan sa pagkasikop kang Guo.
