Rep. Suansing gipasalig nga walay nakasingit sa ‘pork barrel’ sa 2027 National Budget

Gipasalig ni Nueva Ecija Rep. Mikaela Angela Suansing nga walay nakasingit nga pork barrel sa gisugyot nga 2027 national budget o sa House of Representatives’ General Appropriations Bill (GAB).

Sukwahi kini sa mga komento sa mga progresibong grupo ug mga tigpaniid sa badyet.

Miinsistir si Suansing nga walay unsa mang pork barrel, bisan ang Local Government Support Fund (LGSF).

Kini gumikan gikonsidera sa oposisyon ang LGSF nga “President’s Pork” tungod kay matawag kini nga discretionary fund.
Apan gibutyag ni Suansing nga gikonsidera kini sa Department of Budget and Management nga dili kini usa ka matang sa pork barrel.