Posibleng makapagpagawas og pinal nga desisyon sa impeachment trial ni Vice President Sara Duterte sa Disyembre 16, 2026, sumala ni impeachment court spokesperson Reginald Tongol.
Matod ni Tongol, kini ang gitinguhang panahon kon gamiton sa depensa ang tibuok 30 ka adlaw nga gigahin alang sa pagpresentar sa ilang habig.
Apan, magdepende gihapon kini sa aktuwal nga dagan sa mga proseso.
Namatikdan ni Tongol nga ang impeachment trial nag-una og mga 20 ka adlaw sa orihinal nga iskedyul, bisan pa man sa pipila ka mga pagkansela ug pagpamubo sa mga hearing.
Kung opisyal nga tangtangon sa prosecution ang Article III bahin sa mga alegasyon sa ‘bribery’, posibleng mapadali ang iskedyul og hangtod sa 27 ka adlaw.
Human matapos sa prosekusyon ang pagpresentar sa ilang kaso, kinahanglan silang mosumite og pormal nga tanyag sa ebidensya nga mahimong komentaryohan sa depensa sa dili pa magsugod ang depensa sa ilang kaugalingong presentasyon.
Samtang, gipahayag ni Tongol nga mas masaligon na karon ang impeachment court nga mahuman ang husay sa dili pa ang holiday recess sa Senado, nga posibleng maghatag og dalan aron mapagawas ang kataposang desisyon sa dili pa ang Disyembre 16.
