Gipanghimakak ni impeachment court spokesperson Regie Tongol ang pahayag nga dili welcome sa impeachment trial ni Vice President Sara Duterte si kanhi senador Antonio “Sonny” Trillanes IV.
Matud kang Tongol, mihangyo ang house prosecution panel og mga subpoena alang sa pipila ka witnesses, apan wala giapil ni prosecutor Terry Ridon si Trillanes sa mga testigo nga plano nga iatubang niadtong maong semanaha
Dihang giistoryahan sa prosecution nga mahimong mutestigo si Trillanes niadtong Miyerkules, wala na matod pay paigo nga oras aron mag-isyu og subpoena alang sa sunod nga adlaw.
Hinuon, gibutyag sa korte nga mahimo siya nga boluntaryong moatubang.
Giklaro usab ni Tongol nga gikuwestyon sa presiding officer ang timing sa testimonya ni Trillanes tungod gikatakda matod pa niining matumbok ang mga bank records nga wala pa naatubang kaniadto sa impeachment court.
Samtang, gibutyag ni Tongol nga mahimo gihapong ipatawag sa prosecution si Trillanes kung importante sa kaso ang mga ebidensyang gihuptan niini.
Nagpabilin usab ang kanhi senador isip common witness sa prosecution og defense, busa mahimo gihapon siyang ipaatubang sa depensa.
