Dili opsyon ang ‘remand’ kon ibalik pag-usab sa Kamara ang articles of impeachment aron taralon si Vice President Sara Duterte.
Matod ni Iloilo Representative Lorenz Defensor og miembro sa 11-man House prosecution team, klaro nga pagsupak kini sa batakang balaod kung asa angayang nahimong aksyon sa Senado mao lamang ang acquit o convict.
Gibutyag ni Defensor, dili lamang ang prosecution ang apektado sa gihimo sa Senado kun dili gibalewala sa Senate impeachment court ang desisyon sa 215 Congressmen nga mibotar pabor sa impeachment og pagtaral kay VP Sara.
Giklaro pa ni Defensor, walay hurisdiksiyon ang Senator-judges nga magbinotohay og mag-mosyon kung magpadayon ang impeachment trial.
Gipahinumdom ni Defensor nga sayop nga nagbotohanay sa mosyon aron ibalik pag-usab sa Kamara ang Articles of Impeachment.
Sa iyang pamahayag, ang depensa o prosekusyon ang angayang mag-mosyon atubangan sa Senate impeachment court og ayha pa lamang pagabotohan kung aprubahan o i-deny ang mosyon.
Dugang pa ni Defensor, delikado ang gihimo sa mga Senador.
Samtang sa habig ni Akbayan PL Rep. Perci Cedana nga wala girespito ang Konstitusyon sa gihimo sa senado.
Matud kang Cendaña, imbes nga magpakita og kaisog ang mga senador, gipili hinuon nga magumano ng mga senador na mahimong talawan.
Alang usab ni Congressman-elect Chel Diokno nga ang pagbalik sa Senado sa articles of impeachment sa Kamara, klaro nga pag-abandona sa balaod.
