GENERAL SANTOS CITY – Nangandam na si Sen. Manny bisan pa kaniadto nga wala pay klaro nga natumbok kung kinsa ang mahimong kaatbang sa ring.
Apan dili na malimod tungod nanggawas na sa social media ang kabahin sa away ni Sen. Manny Pacquiao og Terrence Crawford nga matigayon matud pa sa June 5, 2021 sa Dubai .
Sa pakighinabi sa BobmoRadyo, gibutyag ni Coach Nonoy Neri sa Team Pacquiao nga sa karon light training ang ilang ginahimo kay Pacquiao aron andam sa unsa mang gikatakdang away.
Sa sulod sa compound sa mansion sa senador nagapahigayon og jogging sa basketball court, punch mitts og heavy bag samtang kanunay usab ga-basketball ang senador.
Sumala pa ni Neri, anaa na sa 50% ang training ni Pacman.
Sa pamahayag niini nga anaa sa 147 pounds ang awayan nila Pacquiao og Crawford.
Dugang pa niini nga sa Pilipinas lang magpahigayon og training si Manny kung asa sa ilang balay og sa wild card gym sa boksidor kung asa sa karon pa lang nagpadayag ang Team Pacquiao nga i-minimize nila ang mga tawo samtang ga-training si Manny.
Walang kabag-uhan sa coaching staff kung asa gipaabot pa nila si Coach Boboy Fernandez nga muabot sa GenSan.
