Gikumpirma ni Senador Juan Miguel “Migz” Zubiri nga opisyal nang mibalhin si Senador Mark Villar sa Senate Majority bloc kagahapon, Huwebes, Oktubre 8.
Tungod sa pagbalhin ni Villar, misaka na ngadto sa 14 ang kinatibuk-ang miyembro sa Majority bloc, samtang nagpabilin sa 10 ang mga miyembro sa Minority sa Senado.
Human sa iyang pagbalhin, napili si Villar isip bag-ong chairman sa Senate Committee on Public Works and Highways aron manguna sa mga sugyot ug diskusyon kalabot sa imprastraktura.
Gawas sa iyang bag-ong chairmanship, napili usab ang senador isip usa sa mga miyembro nga morepresentar sa Senado sa Commission on Appointments o CA.
Gilauman nga ang opisyal nga pagbalhin ni Villar sa Majority bloc makahatag og dugang kusog sa mga lehislatibong agenda sa maong grupo sa Senado.
Sa wala pa siya napili isip senador, nagsilbi si Villar isip kalihim sa Department of Public Works and Highways o DPWH ubos sa administrasyong Duterte, diin iyang gidumala ang dagkong mga proyekto sa gobyerno ubos sa programang Build, Build, Build.
Ang iyang kasinatian sa sektor sa public infrastructure giisip nga usa sa mga basehan sa iyang pagkatalaga sa maong komite.
