-- ADVERTISEMENT --
GENERAL SANTOS CITY – Nagdeklara ang Sarangani Province og holiday ugmang adlawa Hunyo 26, 2025.
Kini gumikan sa kasaulogan sa Amun Jadid o Islamic New Year.
Apan kadtong mga trabahante nga dili sakop sa tinuohang Islam nga kinahanglan ang ilang serbisyo ang angayang magreport sa trabaho.
Susama sa mga empleyado sa provincial jail, security og ang rescue team sa Provincial Disaster Risk Reduction and Management Office (PDRRMO).
Ang Amun Jadid (Islamic New Year) usa ka Muslim legal holiday nga matigayon sa unang adlaw sa Muharram, ang unang bulan sa Islamic lunar calendar.
-- ADVERTISEMENT --
Ilawom sa Presidential Decree No. 1083, o Code of Muslim Personal Laws of the Philippines gideklara nga holiday ang Amun Jadid.
