SARANGANI PROVINCE – Malaumon ang Sarangani Police Provincial Office nga positibo ang mahimong resulta sa gipahigayong assessment sa Department of Health Region 12 sa pag-angkon sa Red Orchid Award.
Matud ni Provincial Director PCol. Deanry R. Francisco nga gipailawom ang Sarangani PNP sa ebalwasyon alang sa maong pasidungog.
Tumong niini ang pagpatuman sa 100 % tobacco free policy sa Sarangani PNP.
Ang Red Orchid Award Evaluation Team gipangulohan ni Ms. Marifort R. Rafael, Nurse 5 sa DOH-12 Center for Health Development.
Ang team giabiabi ni PLtC. Edgar I. Yago, DPDA Chairman sa Red Orchid Technical Working Group.
Mitambong usab atol sa assessment sila si Ms. Jenylyn Ellie P. Ventura, Development Officer IV ug Ms. Lehra Jo Duldoco gikan sa Provincial Health Office Sarangani.
