Kasunod sa pagtugot sa US nga magamit na sa Ukraine ang mga long-range missile niini, nagpasidaan karon ang Russia na ilaha kining isipon nga laing pag-usbaw sa gubat sa Russia-Ukraine.
Matud kang Russian Press Secretary Dmitry Peskov, kung tinuod man nga naghatag ang US ug pagtugot alang sa paggamit sa Ukraine sa mga missile, nagpasabot kini nga nagkalawom ang giingong ‘kalambigitan’ sa US sa nagpadayong gubat.
Dugang pa niini nga , ang gihimong lakang ni Biden ang nagpadugang sa tensyon sa gubat tali sa duha ka nasud, bisan pa sa pipila na lang ka semana ang nahabilin sa administrasyon sa outgoing US president.
Siya miingon nga gikonsidera kini sa Moscow nga usa ka paghagit sa bahin sa White House.
Ang Presidente sa Ukraine nga si Volodymyr Zelenskyy unang nanawagan sa US alang sa pagtugot sa paggamit sa mga long range missiles niini sa nagpadayong gubat batok sa Russia.
Sa habig sa Ukraine, gikompirma sa presidente nga wala pa gigamit ang maong mga missile.
