Mihimo og pinasahing gimik ang mga tag-iya sa usa ka restaurant sa Kentucky nga kanunay mabahaan higayong mutaas ang tubig sa Ohio river ug kini pinaagi sa intensyunal usab nga pagpabaha sa sulod sa ilang kan-anan gamit ang limpyong tubig samtang ang hugaw nga tubig-baha, diha ra gawas sa ilang kan-anan.
Nag-post og video si Andrew Masterson, co-owner sa Captain’s Quarters Riverside Grille sa Prospect, kondiin iyang gipakita kung gi-unsa niya uban sa iyang mga ka-ubanan aron dili masagulan og hugaw nga tubig-baha gikan sa gawas ang ilang tinuyo nga pagpabaha sa sulod sa restaurant.
Nasayrang migamit si Masterson ingon man ang ilang mga empleyado og mga sinks, faucets ingon man bomba sa tubig aron lang mapuno sa hinlo nga tubig nga duna’y giladmong unom ka tiil ang ilang restaurant kondiin lahi ra ang kolor niini kumpara sa baha nga anaa sa gawas.
Gipang-disconnect matud pa nila og una ang ilang mga kitchen equipment ug electrical panels aron masigurong wala’y madamyos ug wala’y makuryentihan.
Sigon ni Masterson, kung magpadayon nga mulampos kini nga estratihiya, makadaginot sila gikan sa mahal og mukaon pa og panahon nga pagpanghinlo.
Apan nabalaka gihapon sila sa posibilidad nga musulod ang tubig-baha sa gawas agi sa mga bintana kung mulapas pa sa 6-feet ang water level sa gawas
