GENSAN- Gipasiugda ni Rep. Shirlyn Bañas ang paglunsad sa programa nga Byaheng Pang-edukasyon, nga naghatag og libreng uniporme sa pito ka pilot schools nga napili sa mga komunidad nga nagkinahanglan og dugang suporta.
Ang programa gigamit ang whole-of-the-nation approach pinaagi sa kolaborasyon sa lain-laing ahensya sama sa TESDA, DepEd, ug DOLE: ang TESDA magtudlo sa mga inahan sa pagtahi ug maghatag og sewing machines, samtang ang DOLE maghatag og allowances sa mga inahan aron makakita og panginabuhian samtang nagtahi sa uniporme.
Ang mga estudyante makadawat sa libreng uniporme, aron matag Lunes, sa ilang flag ceremony, masinati nila ang pagsul-ob niini, nga gilauman makamotibar sa ilang pagkat-on ug pagdamgo sa kaugmaon.
Ang programa dili lang nagpalambo sa edukasyon sa kabataan, apan naghatag usab og oportunidad sa mga ginikanan nga makakita og kita samtang nagatabang sa komunidad.
Gipasiugda ni Bañas ang pagkahimong epektibo sa kolaborasyon sa mga ahensya ug ang mas lalom nga katuyoan sa programa nga maghimo og positibong epekto sa estudyante ug pamilya.
