GENERAL SANTOS CITY-Nanawagan sa business owners si Christian Mark Abarquez, labaw sa Business Permits and Licenses Division kon BPLD sa dakbayan sa Heneral Santos nga dili na hulaton ang ulahing adlaw sa pagrenew sa ilahang business permits.
Matud niini nga naglaum ang ilang buhatan nga makarenew sa ilang business permits ang tanang negosyo sa dakbayan tungod sukad miaging tuig mihatag usab sila ug extension hangtod January 31.
Dugang pa sa nasampit nga opisyal nga ang paghatag og dakong panahon igo na aron makabayad sa ilahang mga business taxes ang mga negosyante.
Base sa rekord kaniadtong 2023, may narehistro sila nga 12,630, samtang kaniadtong miaging semana ang katibuk-ang numero sa mga business registrants sa dakbayan ang mukabat sa 13,030.
Samtang, nagtuo kini nga ilang na-hit ang target sa miaging tuig ug naglaum kini nga malampasan pa ang maong target sa 2025.
