GENERAL SANTOS CITY Nasayran na kung kinsa ang sunod nga makaatbang sa GenSan boxer nga si Romero Duno.
Kini mao si Ramon Esperanza nga taga nasud Paraguay nga ang ilang engkwentro gikatakda sa Agosto 21, 2021 sa Airport Hilton, Miami sa Amerika.
Si Esperanza ang may 22 ka daog og 19 ka pildi.
Samtang si Duno ang may 22 ka daog, duha ka pildi.
Gibutyag nga magsilbing tune up fight ni Duno ang maong engkwentro tungod sa Septiembre 2021 gitakda usab ang iyang sunod nga engkwentro.
Samtang ang laing Gensan boxer nga si John Vincent Moralde ang may engkwentro sa Septiembre 25, 2021.
Ang mga nasampit kauban ang laing duha ka GenSan boxer nga silang Mike Plania, og WBC interim World Bantamweight champion Reymart Gaballo, ang atoa na sa Miami, Florida alang sa ilang training sa Moro’s Gym pinaagi ni Coach Osmiri “Moro” Fernandez.
Gibutyag nga usa ka dakong kahigayonan sa mga nasampit ang ilang tagsa-tagsa ka engkwentro sa Amerika aron nga ipakita ang maayong performance.
