Gidala sa tambalanan si detained Kingdom of Jesus Christ (KOJC) leader Pastor Apollo Quiboloy niadtong Sabado human nireklamo nga nagkalisod sa pagginhawa, matod sa Bureau of Jail Management and Penology (BJMP) ning adlawa.
Matud kang BJMP spokesperson Jail Superintendent Jayrex Bustinera, nga January 18 2025, alas 5 sa hapon dihang gidala si Quiboloy sa Rizal Medical Center sa ginsakpan sa BJMP-Pasig City Jail Male Dormitory.
Sumala ni Bustinera, ang nag-atiman nga doktor gikan RMC mirekomenda nga i-confine sa ospital si Quiboloy human nga nga nasuta nga may “community acquired pneumonia.”
Gipasalig sa opisyal sa publiko nga si Quiboloy ang nagpabilin ubos sa kustodiya sa BJMP ug hugot nga seguridad ang gipatuman samtang anaa sa ospital.
Si Quiboloy, nga nagpaila sa kaugalingon nga “Anak sa Dios,” nag-atubang karon sa kasong non-bailable qualified human trafficking ubos sa Section 4(a) sa Republic Act No. 9208. Nag-atubang usab siya og kaso ubos sa Section 5(b) ug Section 10(a) sa Republic Act 7610 o ang Special Protection of Children Against Abuse, Exploitation, and Discrimination Act.
