-- ADVERTISEMENT --
Gipasidan-an ni Russian President Vladimir Putin ang South Korea nga usa ka dakong sayop ang paghatag sa Ukraine ug armas aron makig-away batok sa Russia.
Matud pa niini nga mohimo og desisyon ang Russia nga dili ganahan ang South Korea kon ila kining ipadayon.
Kini nga pamahayag ni Putin human sa tubag sa South Korea sa pagbisita sa presidente sa Russia sa North Korea diin nagkasabot sila sa usa ka lig-on nga alyansa ug andam silang modepensa sa usag usa kon adunay moatake kanila.
Dugang pa, gipasidan-an usab ni Putin nga andam siya sa pag-armas sa North Korea kung ang US ug ang mga kaalyado niini magpadayon sa pagsuplay og armas sa Ukraine.
