GENERAL SANTOS CITY- Samaron ang usa ka Pulis human ang dyes minutos nga pinusilay human misukol ang mga drug watchlisted person sa kabukirang bahin sa Sarangani.
Ang biktima giila nga si PO2 Richard Baroquil sakop sa regional Mobile Force Battalion 12 nga nakaangkon ug samad sa wala ug tuo nga siko hinungdan nga nadala sa usa ka tambalanan ning syudad.
Matud ni Police Chief Insp. Rodel Javison, hepe sa Maitum Municipal Police Station nga pasulod pa lamang sila sa Pinol, Maitum gipabuthan na sila sa mga suspek.
Bitbit sa kapulisan ang unom ka Search Warrant gikan kang Judge Oscar Noel Jr aron dakpon ang mga suspek nga silang Moymoy Piang alias Moy.
Matud ni Javison nga nakasibat si Moy apan nakuha ang duha ka sachet sa shabu, at large usab ang nagpangalan ug Anagna Pinag apan upat ka sachet ang nakuha sa panimalay niini, ikatulo mao si Muhammad Piang apan nagnegatibu sa druga ang nahisgutan, Mariano Kadatu-an alias Yong nga nakuhaan ug tulo ka sachet samtang kini atlarge, nasikop usab si Samrod Ongclang ug narekober ang usa ka Garand rifle, 87 ka bala ug 3 sachet.
Atlarge usab si Salikola Nikolano alias kola, ug narekober ang duha ka sachet, samtang nadakpan si Carbonel Piang sa balay ni Salikola ug narekober ang caliber 45 pistol ug magazine nga puno sa bala.
Matud ni Javison nga ang mga nahisgutan ang gitudlo nga suspek sa pagpatay sa duha ka tawo nga gituhuang may problema sa pangisip.
