GENSAN – Subli nga giawhag sa Public Safety Office (PSO) sa General Santos City ang tanang tricycle drivers ug operators nga mukuha na og prangkisa alang sa ilang operasyon.
Sa pamahayag ni Atty. Jong Gonzales, ang hepe sa PSO-GenSan, nagpabiling gamay ang ihap sa mga mikuha og prangkisa bisan pa sa ilang padayon nga panawagan.
Sumala niya, sa kasamtangan, kapin sa 2000 pa lang ka mga driver ug operator ang nakapa-rehistro ug miadto sa ilang buhatan aron mag-apply. Layo kini sa ilang target nga 9,000 ka bag-ong prangkisa alang sa mga tricycle nga molihok sulod sa siyudad.
Gipasabot usab ni Atty. Gonzales nga libre ang pagkuha sa prangkisa, ug ang mga aplikante kinahanglan lamang nga motuman sa mga rekositos sama sa drug test ug uban pang dokumento.
Giingon sa PSO nga padayon ang ilang serbisyo ug assistance desk sa ilang opisina aron matabangan ang mga gustong magproseso sa ilang aplikasyon.
