Gipaniguro sa Philippine Statistics Authority (PSA) nga magpadayon sila sa pag-isyu og National ID bisan pa man sa pag-terminate sa kontrata sa supplier.
Sa usa ka pahayag, ang PSA miingon nga sila naghimo ug tukma nga mga lakang aron mapadayon ang pag-isyu sa mga national ID.
Gipamatud-an usab sa ahensya ang dili matarug nga pasalig sa paghatud sa usa ka luwas ug kasaligan nga national ID system aron masiguro nga ang matag rehistrado nga indibidwal makadawat sa ilang National ID.
Gitambagan usab sa state-run nga ahensya ang publiko nga gamiton ang digital format sa national ID nga ma-download gikan sa website nga magamit samtang wala ang physical ID.
Gi-terminate na sa Bangko Sentral ng Pilipinas ang kontrata sa AllCard Inc., ang supplier ubos sa Philippine Identification Sytem sa gobyerno tungod sa kapakyas niini sa pagtuman sa ilang mga obligasyon sumala sa nasabutan nga hinungdan sa pagkalangay sa produksyon ug pagpadala sa mga national ID card.
