GENSAN– Nagpadayon ang Police Regional Office 12 (PRO‑12) sa istrikto nga pagbantay ug pag-monitor sa mga courier sa rehiyon human makumpiska ang daghang padala nga naglangkob og ilegal nga droga.
Sumala sa taho sa PRO‑12, bag-ohay lang nakumpiska ang hapit pito ka kilo sa gituohang marijuana ug uban pang bawal nga substansiya gikan sa mga parcel nga misulod sa rehiyon. Kini nga insidente nag-awhag sa ahensya nga palig-onon ang inspeksyon sa mga courier ug padalang parcel aron mapugngan ang pagsulod o paggawas sa droga.
Apil sa mga lakang ang husto nga pagsusi sa mga padala, pakigtambayayong sa mga courier companies, ug koordinasyon sa Bureau of Customs (BOC) ug Philippine Drug Enforcement Agency (PDEA) para sa mas epektibo nga interception ug pagreport sa mga suspetsado
. Sumala kay PBGen. Arnold Ardiente, ang Regional director ng PRO12 NGA ang tinguha sa operasyon mao ang pagpanalipod sa publiko gikan sa ilegal nga droga ug pagpangayo og pananagutan sa mga indibidwal o grupo nga nalambigit sa iligal nga kalakalan pinaagi sa courier services.
Nagpadayon usab ang PRO‑12 sa ilang pahimangno sa publiko nga magmatngon sa pagdawat o pagpadala og mga parcel, ug dayon nga i-report sa otoridad ang bisan unsang kahina-hinalang padala.
Gi-awhag ni PBGen. Ardiente ang tanan nga magtinabangay ang komunidad ug kapulisan aron mapugngan ang ilegal nga droga ug mapalig-on ang seguridad sa rehiyon.
