Wala matago sa pipila ka pribadong tambalanan ang ilang kahadlok nga basin dili makabayad ang Philhealth tungod sa zero subsidy budget niini alang sa 2025.
Matod ni Dr. Jose Rene Degrano, presidente sa Private Hospitals Association Philippines, dili makalingkawas sa ilang mga kauban nga nahadlok ilabina nga kaniadto nalangay ang pagbayad sa health insurer sa gobyerno, bisan og dako pa kini og pundo.
Alang kang Degrano, dili nila mapugos ang maong ahensya tungod kay aduna man usab mga proseso ang gobyerno sa pagpagawas sa mga bayronon.
Ang gikabalak-an lang kon ang kasamtangang pundo sa pagbayad hingpit nga mahurot, sa dili pa sila makakolekta.
Matod pa nga posibleng moresulta kini sa pagpasira sa pipila ka gagmay nga mga tambalanan, tungod kay obligado man sila sa pagbayad og sweldo sa mga kawani, gawas sa operational expenses sa ilang mga pasilidad.
