GENERAL SANTOS CITY – Usa ka tulog nalang adlaw na sa mga kasing kasing o mas nailhan nga Valentines Day.
Busa mitaas na usab ang mga presyo sa mga bulak , samtang ang mga hotel sa dakbayan iya iya na usab ug mugnag mga pakulo.
Anaa na sa P350 hangtod P3,500 ang presyo sa bouquet sa bulak depende sa matang, gidaghanon ug kung customize o personalized ba.
Mamahimo usab nga mkapalit ug tag usa ka bulak sama sa rose nga halinon matag Valentines Day nga mapalit sa kantidad ng P50 hangtud P100 pesos ang usa depende kung short o long stem.
Ang Sunflower anaa sa P150 hangtud P250 ang matag usa.
Sumala pa kang Susan Abong, ang presidente sa Gensan Flower Vendors Association nga mitaas ug 10% hangtud 30 porsyento ang pagtaas sa presyo sa mga lokal ug imported flowers.
Kini gumikan sa pagtaas usab sa presyo sa tambal para sa mga tanum, pagmahal sa pamasahe ug ang ubang suppliers naapektuhan gihapon sa bagyo.
Mas gipalapdan sa mga vendors ang ilang market kung asa gabaligya usab sila online.
Gikadugang pa Abong nga wala na kaayo sila naga order pa ug mga improrted nga bulak susama sa carnation, stargazer ug uban pa gumikan nagmahal na usab ang presyo niini.
Kasagaran sa ilang suppliers gikan pa ug Manila, Davao, Bukidnon o ang labing duol ang Tupi, South Cotabato.
