Gusto ni President Ferdinand Marcos Jr. nga palig-onon pa ang healthcares system sa nasod ubos sa iyang administrasyon.
Matod ni President Marcos, iyang target nga zero ang kontribusyon sa Philippine Health Insurance Corp. (PhilHealth), diin ang mga Pilipino dili na kinahanglang mobayad ug bisag usa ka piso.
Hinuon giangkon sa presidente nga dili pa kini makab-ot tungod sa kakulang sa pundo.
Matod niya nga mahitabo kini kung maayo na ang ekonomiya sa nasud, ug kung mahitabo na, administrative cost na lang sumala ni PBBM nga bayran sa Philhealth member nga anaa lamang sa P100.
Karong buntag, giapod-apod sa presidente ang 387 ka Patient Transport Vehicles sa mga LGU sa Luzon.
Kini aron masiguro nga ang matag probinsya adunay access sa kasaligan nga ‘medical transport’ ilabina sa mga lagyong lugar.
