GENSAN- Padayon nga nagpahinumdom ang Police Regional Office(PRO) 12 sa tanan nga magberepika una ang impormasyon, balita o video sa dili pa mo-share sa lain-laing social media platform.
Ang pagpakatag og sayop nga impormasyon adunay silot ubos sa Revised Penal Code, nga gi-amyenda sa Republic Act 10951, nga adunay silot nga pagka-aresto ug multa.
Sumala sa mga kapulisan nga angayang magmahimong responsable ang tanan karong panahon.
Kay ang pagka-responsable nagpasabot usab kini sa pagpanalipod sa kamatuoran og pagpanalipod sa publiko.
Mahimo usab nga pasakaan og kaso ubos sa Cybercrime Prevention Act of 2012 (RA 10175) kon ang maong impormasyon nakadaot sa dungog sa usa ka tawo (Cyber Libel).
Aron dili mabiktima ug dili makasala sa balaod, ang PRO-12 ug mga digital experts naghatag og mga giya, una, susihon ang tinubdan kon ‘source’, kun gikan ba kini sa lehitimong news agency o gikan lang sa usa ka dummy account, ikaduha-basahon a ng tibuok content, ikatulo- tan-awon ang petsa, og ikaupat-susihon ang litrato kun asa gamiton ang “reverse image search” aron masuta kon ang hulagway gigamit ba sa sayop nga konteksto.
Giawhag ang tanan nga kon adunay mamatikdan nga kadudahang post, i-report kini sa mga otoridad o i-fact check pinaagi sa mga kasaligang organisasyon imbes nga i-share kini dayon.
