Posible nga adunay rollback sa presyo sa gasolina sunod semana tungod kay padayon ang pagkunhod sa presyo sa world oil market sa ikatulong adlaw sa trading karong semanaha.
Gikan Agosto 3 hangtod 5, mikunhod ang presyo sa gasolina sa mosunod nga kantidad:
Diesel: P4.40 kada litro ⬇️
Gasoline: P4.70 kada litro ⬇️
Kerosene: P4.80 kada litro ⬇️
Sumala ni Jetti Petroleum President Leo Bellas, posible pa ang dugang nga hinay-hinay nga pagkunhod sa presyo sa mosunod nga duha ka trading days tungod sa positibong kalamboan sa Middle East, diin posible na usab ang pagkab-ot sa usa ka kasabutan sa kalinaw.
Apan nagpasidaan si Bellas sa mga motorista nga dili magdahom og sobra, tungod kay dili pa dayon mobalik ang presyo sa lana sa lebel niini sa wala pa ang gubat.
