-- ADVERTISEMENT --

Giproseso sa Kiblawan Tilapia Raisers Association o KTRA ang 30 kilos nga tilapia nga ilang naani aron himuong tilanggit o pinauga nga isda, isip dugang nga produkto nga ilang ikabaligya sa merkado.

Sulod sa duha ka adlaw, ang mga miyembro mismo sa asosasyon ang naghimo sa pagproseso ug pagputos sa mga isda. Gitabangan sila sa BFAR-SAAD Program Phase II team gikan sa Provincial Fisheries Office sa Davao del Sur nga naghatag og giya ug suporta sa maong kalihokan.

Pinaagi niini, madugangan ang bili sa ilang produkto ug mapalapdan ang ilang mapilian nga merkado, dili lamang sa preskong tilapia.

Gihatagan usab og kahigayonan ang mga miyembro nga makat-on sa hustong pamaagi sa pagproseso ug pagputos sa isda.

Gilauman nga makatabang kini sa pagpalambo sa kapasidad sa asosasyon ug sa paghatag og dugang ug malungtarong panginabuhian sa mga miyembro niini.

-- ADVERTISEMENT --