Gihimo ni Pope Francis ang iyang una nga pagpakita sa publiko sa sobra sa lima ka semana, kaniadtong Marso 23, sa dihang nagwarawara siya gikan sa balkonahe sa ospital sa Gemelli sa Roma sa wala pa mobalik sa balay.
Mamatikdan, ang 88-anyos nga Santo Papa gidala sa ospital kaniadtong Pebrero 14 tungod sa usa ka impeksyon sa baga nga hinungdan sa pagkadaot sa iyang kahimsog sa panahon sa iyang 12 ka tuig nga pontificate.
Ang mga doktor sa Santo Papa niingon nga magkinahanglan og “taas nga panahon” aron hingpit nga maulian ang iyang lawas, ug ila usab siyang gimandoan nga mopahuway pa og duha ka bulan sa Vatican.
Si Francis nagpakita sa balkonahe sa ospital .
Gamit ang wheelchair, sama sa iyang gigamit sulod sa pipila ka tuig, ang Santo Papa nipahiyom ug nikaway sa grupo sa mga supporter nga nagtapok gawas sa tambalanan.
Mihubag ang nawong sa Santo Papa, ug nagpabilin lang siyag pipila ka gutlo sa balkonahe.
Mihatag siya og mubo nga pasalamat sa iyang hinay nga tingog ngadto sa usa ka sakop sa panon nga nagdala og yellow nga mga bulak.
Samtang, kini ang unang higayon nga personal nga nakita sa mga magtutuong Katoliko ang Santo Papa, apan ning bag-o lang sa litrato nga gipagawas sa Vatican sa miaging semana, makita siya nga nag-ampo sa kapilya sa ospital.
