GENERAL SANTOS CITY – Adunay mga residente pa sa Sultan Lebak og Palimbang sa Sultan Kudarat ang wala pa nakauli sa ilang balay gumikan sa bagyong Paeng.
Matud pa ni Joremae Balmediano, Information Officer sa Office of the Civil Defense (OCD)-12 nga halos nakauli na ang daghang mga nanghikling sa laing bahin sa rehiyon 12 gumikan sa bagyong Paeng human nga nag-subside na ang pagbaha.
Gibutyag pa niini nga anaa sa 162 ka mga barangay ang apektado sa Pigcawayan, Libungan, Aleoson, Alamada, Midsayap og Kabacan, sa North Cotabato lakip ang Gensan, T’boli, South Cotabto, Kalamansig, Lebak, Palimbang, Senator Ninoy Aquino og Bagumbayan sa Sultan Kudarat, Sarangani Province gawas lang sa Malungon.
Gibutyag nga anaa sa 45,055 ka mga pamilya ang naapektuhan.
Nasayran nga anaa na sa upat ang natala nga namatay sa Region 12.
Ang ilang buhatan ang padayon sa pagpanghatag og hinabang sa nga apektadong pamilya.
Ang ilang buhatan ang mitabang usab sa mga residente sa Bangsamoro Autonomous Region in Muslim Mindanao kon BARMM.
