Nag-viral online ang usa ka video sa Chandler, Arizona nga naglambigit sa usa ka bootang Pinay.
Si Lani Benavidez, nga lumad gikan sa Naic, Cavite apan karun naka-base sa Arizona, ang nakuhaan og video nga mitabang sa dili niya kaila nga nanginahanglan og tabang diin ang maong stranger usa ka social media influencer nga si Jimmy Darts.
Sa video, makita si Darts nga midool sa Pinay og mibutyag nga wala siyay kaon tibook adlaw. Nangayu usab kini og kwarta aron makapalit og cereal.
Sa walay pagduha-duha, gihatagan siya ni Benavidez 2 dolyaes o bugti sa 117 pesos.
Dinhe na misurpresa si Darts pinaagi sa paghatag og usa ka box sa cereal nga dunay sulod nga usa ka libo dolyares rason sa paghilak sa pinay sa dihang iya kining nakita. Dinhe nasuta nga nag-atiman siya karun sa iyang bana nga dunay cancer.
Tungod niini, naglusad si Darts og fundraising campaign nga daling nakakuha og daghang suporta.
Sa follow-up video, miadtu si Darts sa Dollar Tree diin nagtrabaho ang pinay og gisurpresa kini og kwarta gikan sa iyang fundraiser nga miabot sa initial $50,000 o P2.9 million.
Sumala ni Benavidez, ang miabot na karun nga kantidad anaa sa $93,000 o P5.4 million, diin nanulo kini nga donasyon kada adlaw sa iyang bank account.
