Gipahibalo ni Senate President Alan Peter Cayetano nga sila Senador Rodante Marcoleta ug Pia Cayetano lakip sa mga gikonsidera nga mangulo sa Senate Blue Ribbon Committee (BRC).
Sumala ni Cayetano, ang komite dili lang mag-focus sa isyu sa giingong mga iregularidad sa mga proyekto sa flood control projects, apan lakip usab sa mga panghitabo nga naglibot sa insidente sa pagpamusil sa Senado ug ang papel sa National Bureau of Investigation niini.
Gipasabot usab niya nga wala pa’y pinal nga desisyon kung kinsa ang mangulo sa komite, tungod kay ang bag-ong majority bloc gikataho nga miuyon nga walay senador nga awtomatikong mohangyo o mo-demand sa usa ka partikular nga komite ug maghisgot niini sa kinatibuk-an.
Samtang, giangkon ni Cayetano nga adunay grabe nga pressure kaniya nga magpabilin isip Senate President sa miaging mga semana.
Bisan pa, giingon niya nga sa tabang sa Diyos, napadayon niya ang suporta sa iyang liderato.
Gihisgutan usab niya nga adunay mga pagsulay nga usbon ang balanse sa gahum sa Senado, uban sa mga isyu sa mga komite ug uban pang mga isyu sa politika.
