-- ADVERTISEMENT --
GENERAL SANTOS CITY – Nakig-alayon na ang lokal nga panggamhanan sa Alabel, Sarangani, sa Overseas Workers Welfare Administration (OWWA) aron matabangan nga makauli sa nasud ang usa ka Pinay DH sa Saudi Arabia.
Kini human nangayo ug tabang kang Alabel Vice Mayor Ronnel Español ang usa ka 23-anyos nga OFW nga taga-Ladol, Alabel, human matud pa nakasinati ug pagpangbastos sa iyang Arabong employer.
Sumbong matud pa sa naasoy’ng Pinay, makapila ka higayon siyang gihangyo sa amo nga makigdulog, hinungdan nga wala kaagwanta ug milayas.
Nakig-aalyon na matud pa ang bise mayor sa OWWA aron matutukan ang kaso sa naasoy’ng OFW ug maasikaso na ang mga papeles niini aron makauli na sa iyang pamilya.
