GENERAL SANTOS CITY – Gikabalak-an sa mga ekonomista nga kung dili makontrola ang pagpangatake sa Russia sa Ukraine og mag-apil ang laing mga nasud dako ang epekto sa katawhan sa tibook kalibutan.
Matud pa kang Atty. Rey Cartojano, co-anchor sa Duralez Sedlex sa Bombo Radyo GenSan nga kung daghan na ang muapil nga mga nasud magresulta sa economic crisis.
Gikadugang pa niini nga ang unang maapektuhan ang supply sa produktong petrolyo.
Nasayran nga ang Russia ang gas-supply sa 30 percent sa natural gas sa Yuropa pinaagi sa pipelines via long-term contracts.
Ang Russia og ang Ukraine ang pulos kabahin sa USSR kaniadto.
Ang Ukraine ang may 44 million ka popolasyon og Russia ang may 144 million nga residente.
Kahibaluan nga gilusad na sa Russia ang pag-atake sa Ukriane pipila ka semana sukad nga nahitabo ang tensyon luyo sa unang pamahayag sa Moscow nga dili nila atakehon ang ilang silingang nasud.
