MALUNGON SARANGANI – Subli nga gipakuratan ni Malungon Mayor Tessa Constantino ang mga empleyado dihang kalit nagpahigayon ug surpresa nga drug testing ang Philippine Drug Enforcement Agency kauban sa mga sakop sa Municipal Health Office.
Natigayon kini human gayud sa flag raising ceremony dihang kalit nagmando ang Mayor nga siradhan ang Municipal Gynamsium ug nagmando nga magsumite sa ilang mga ‘specimen.
Una nga gipalinya ang mga miyembro sa 15th Sangguniang Bayan sa pagpanguna ni Vice Mayor Mariano Escalada Jr, mga opisyales sa nagkalin laing buhatan, ug ang tanan nga mga empleyado isip tubag sa hugot nga mandato.
Kahinumduman nga sama nga panghitabo dihang kalit gipahigayon ang susama nga pagpahigayon ug drug test isip pagpakita sa hugot nga kampanya batuk sa droga, ug lig-on nga baruganan aron masumpo ang paghitak dili lamang sa mga ordinaryo nga mga residente apan lakip sa mga empliyado sa gobyerno.
Nasuta ang Mayor ang kanhi PDEA regional lawyer sa Rehiyon 12 nagtumong nga mapatuman niini sa hingpit nga mahimong drug free ang Malungon aron masiguro nga kanunay luwas ug anaa sa hapsay nga pangisip ang nagserbsiyo nga mga empleyado ug layo sa kabalaka nga nagomon na sa druga.
